काठमाडौँ, १५ भदौ । चार वर्षअघि भूकम्पबाट क्षतिग्रस्त राष्ट्रिय, केशर र त्रिभुवन विश्वविद्यालयको केन्द्रीय पुस्तकालय तंग्रिन सकेका छैनन् । मुलुकभर रहेका अन्य सार्वजनिक/सामुदायिक पुस्तकालय पनि दयनीय अवस्थामा छन् ।
मन्त्रालयले साताव्यापी कार्यक्रम गर्दै आइतबार १२ औं राष्ट्रिय पुस्तकालय दिवस मनाउँदै छ । यस वर्ष ‘पठन संस्कृतिको पूर्वधार, पुस्तकालय विकास र विस्तार’ नारा तय गरेर दिवस मनाउन लागिएको हो । पुस्तकालयको अवस्थाले यो नारालाई गिज्याएझै लाग्छ ।
भूकम्पबाट क्षतिग्रस्त पुस्तकालय संरचनाको पुनःनिर्माण हुन नसक्दा विगत ४ वर्षदेखि पुस्तकहरु बोरमा कोचेर राखिएका छन् । यो समाचार कान्तिपुर दैनिकमा छ ।
