काठमाडौँ, ४ जेठ । पाकिस्तानसँगको पाँच म्याचको सिरिज घरेलु टोली इंग्ल्यान्डले एक खेल अगावै विजयी भएको छ ।
शुक्रबार राति भएको चौथो खेलमा पाकिस्तानलाई ३ विकेटले पराजित गर्दै इंग्ल्यान्डले एक खेल अगावै सिरिज हात पारेको हो । पाकिस्तानले प्रस्तुत गरेको ३४१ रनको लक्ष्य पछ्याएको इंग्ल्यान्डले ७ विकेट गुमाउँदै ४९.३ ओभरमा पुरा गरेको थियो । टस हारेर पहिला ब्याटिङ थालेको पाकिस्तानले निर्धारित ५० ओभरमा ७ विकेटको गुमाउँदै ३४० रन बनाएको थियो ।
यस अघि पहिलो खेल वर्षाले प्रभावित बनेको थियो । दोस्रो खेलमा ७ र तेस्रो खेलमा इंग्ल्यान्ड ६ विकेटले विजयी भएको थियो । अब पाँचौ तथा अन्तिम खेल भोलि आइतबार हुनेछ ।
