काठमाडौँ, २४ बैशाख । मलेसियामा सम्पन्न १६ औं ओकेनवा गजुरियो कराँते प्रतियोगितामा नेपाली खेलाडीले पाँच स्वर्ण सहित आठ पदक जितेका छन् ।
इन्द्रमुलिया स्टेडियममा नेपाल रेन्बुकाई कराँतेका सात जना खेलाडीहरुले विभिन्न तौलमा प्रतिस्पर्धा गरेका थिए । नेपाल रेन्बुकाई करांते संघका केन्द्रीय अध्यक्ष तथा प्रमुख प्रशिक्षक रेशमलाल लामा तामाङका अनुसार स्वर्ण पदक विजेताहरुमा ईश्वर विक, युजिन गुरुङ, समुद्र सिंह राना, सविन श्रेष्ठ र कमल चौधरी रहेको जनाएको छ ।
यस्तै संगम नेपालीले एउटा रजत र हिरादेवी राईले काता तथा कुमितेमा गरी दुईवटा रजत पटक जितेका छन् । विजयी खेलाडिलाई मलेसियाको स्पेयर्कका युवा तथा खेलकुद मन्त्री यब इन्सिक लि चाउन होनले प्रमाण पत्र तथा पदक हस्तान्तरण गरेका थिए ।
भारत, मलेसिया, सिंगापुर, जर्मनी, इण्डोनेसिया, पाकिस्तान, दुवई, लगायत १६ राष्ट्रका करीब १ हजार बढी खेलाडी सहभागी थिए ।
