एजेन्सी, २० बैशाख । भारतमा एक सैनिक जवानले छुट्टी नपाएपछि आफ्नै हाकिममाथि गोली प्रहार गरेका छन् ।
भारतको असाम राज्यमा सशस्त्र प्रहरीबलको रुपमा कार्यरत २५ बर्षीय लक्ष्मीकान्त बर्मनले आफ्नो विवाहकालागि छुट्टी नपाएपछि हाकिम सब इन्सपेक्टर भोलानाथ दासमाथि गोली चलाएका हुन् ।
टाइम्स अफ इन्डियाको समाचारअनुसार सुरुमा लक्ष्मीकान्त बर्मनले आफ्नो विवाहकालागि छुट्टी मागेका थिए । तर भारतमा भईरहेको लोकसभाको निर्वाचनका कारण हाकिम दासले छुट्टी दिएका थिएनन् ।
सोही छुट्टी नदिएको झोकमा आँफैले बोकेको इन्सास राइफलबाट अन्धधुन्द गोली चलाउँदा हाकिमको मृत्यु भएको छ भने अन्य दुईजना गम्भीर घाइते भएका छन् । उनले इन्सास राइफलबाट १३ राउण्ड गोली फायर गरेका थिए ।
लक्ष्मीकान्त डिप्रेशनका विरामी भएको उनका साथिहरुले जनाका छन् । हावडाको बग्नानमा चुनावी सुरक्षामा खटिएका सेन्ट्रल फोर्समा खटाएका बेला बिहीबार उक्त घटना भएको जनाएको छ ।
