काठमाडौँ, १९ बैशाख । युइएफए च्याम्पियन्स लिग अन्तर्गत सेमिफाइनलको पहिलो लेगमा बार्सिलोनाले लिभरपुललाई ३-०ले पराजित गरेको छ ।
नेपाली समय अनुसार बिहीबार बिहान घरेलु मैदानमा बार्सिलोनाले फराकिलो गोलान्तरले जित हातपारेको हो । बार्सिलोनाको जितमा कप्तान मेस्सीले व्यक्तिगत २ गोल गर्दै खेललाई झन रौनकता प्रदान गरे । खेलको २६ औँ मिनेटमै सुअरेजले गोल गरे ।
पहिलो हाफमै अग्रता बनाइसकेको बार्सिलोनाले खेलको ७५औं मिनेटमा स्वारेजले बक्स भित्रबाट हानेको प्रहार बारमा लाग्दै फर्किएको बलमा मेस्सीले विपक्षी डिफेन्डरलाई जित्दै गोल गरे । ८२औं मिनेटमा पाएको फ्रि किकको सदुपयोग गर्दै मेस्सीले ‘ट्रेडमार्क’ फ्रि किक गोल गरे ।
