एजेन्सी, १८ वैशाख । जापानमा युवराज नरुहितोले राजगद्दी सम्हालेका छन् । आजदेखि औपचारिक रुपमा युवराज नारुहितोले गद्दी सम्हालेसँगै जापानले नयाँ सम्राट पाएको हो ।
नारुहितो जापानको १२६ औं सम्राट बनेका छन् । बेलायतको अक्सफोर्ड विश्वविद्यालयमा अध्ययन गरेका सम्राट नरुहितो २८ बर्षको उमेरमा जापानको युवराज बनेका थिए ।
सन् १९८९ मा गद्दी आरोहण गरेका पुर्व राजा अकिहितोले ३० वर्षपछि मंगलबार पद त्यागेका थिए । आफू वृद्ध भएको र अस्वस्थ भएको भन्दै अकिहितो गद्दी त्यागेपछि उनका छोरा नरुहितो जापानको नयाँ राजा बनेका हुन् ।
जापानको २ सय वर्षको इतिहासमा उनी जिवित छंदै गद्दी त्याग गर्ने पहिलो सम्राट बनेका छन् । जापानमा सम्राटले आफू बाँचुन्जेल गद्दी त्याग्न नपाइने परम्परा र कानुन छ । तर पनि अकिहितोले आफू रोगी र वृद्ध हुँदै गएकाले राज्य चलाउन नसक्ने भएकाले जिम्मेवारीबाट मुक्त हुन चाहेको बताएका थिए ।
