काठमाडौं, ८ चैत । पहिलो अन्तर्राष्ट्रिय मैत्रीपूर्ण खेलमा नेपालले कुवेतलाई गोलरहित बराबरीमा रोकेको छ ।
बिहिबार भएको खेलमा नेपालले फिफा वरियतामा ३ स्थान माथिको कुवेतलाई गोलरहित बराबरीमा रोकेको हो ।
खेलमा नेपाली गोल किपर किरण चेम्जोङले कुवेतले २ दर्जनबढी प्रहार गरेको गोललाई रोकेका थिए । ६५ औं मिनेटमा नेपाली खेलाडीले डी बक्समा फल गरेपछि पाएको पेनाल्टी कुवेती खेलाडीले पोस्ट माथि प्रहार गरेका थिए ।
बराबरीपछि नेपाली टिमका प्रशिक्षक योहान कलिनले भने, ‘कुवेतले दबाब दिए पनि हामीले सक्दो राम्रो खेल्यौं ।’
