पाल्पा, ५ चैत । जिल्ला प्रशासन कार्यालय पाल्पाले मोबाइल एप्स सञ्चालनमा ल्याएको छ ।
सेवाग्राही तथा सरोकारवालालाई सेवा तथा जानकारी लिन सहज बनाउने उद्देश्यले एप्स सञ्चालनमा ल्याइएको प्रमुख जिल्ला अधिकारी मनोहर प्रसाद खनालले जनाएको छ ।
उक्त मोबाइल एप्स मार्फत जिल्लाको सामान्य जानकारी, जिल्ला प्रशासन कार्यालयमा कार्यरत कर्मचारीको बिबरण, नागरिक वाडपत्र कार्यालय प्रमुखको बैठक तथा निर्णय मासिक प्रगति बिबरण, अनुगमनका बिबरण लगायत निकायले जानकारी लिन सकिने छ ।
१ लाख ४३ हजार ५१० को लागतमा तयार पारिएको एप्समा कार्यालयको बिबरण (कार्यालयका प्रमुख, तथा उप प्रमुख, गुनासा सुन्ने अधिकारी र सुचना अधिकारी) सेवा ग्राही तथा सरोकार वालाले सेवा प्राप्तिका लागि दिनुपर्ने व्यक्तिगत निवेदनका नमुना फारम (जनजाति, आदिबासी, दलित, मधेसी) आदि रहेका छन् ।
