एजेन्सी, २७ फागुन । भारतको नयाँ दिल्लीमा कारमा आगो लाग्दा तीन जनाको मृत्यु भएको छ ।
नयाँ दिल्लीस्थित अक्षरधाम फ्लाईओभरमा गाजियाबादका उपेन्द्र आफ्नी श्रीमती र तीन छोरीसँग डट्सन कारमा दिल्लीको कालकाजी जाँदै गर्दा आमा र दुई छोरीहरुको मृत्यु भएको प्रहरीले जनाएको छ ।
कारमा पाँच जना सवार रहेको र तीन जनाको जलेर मृत्यु भएको र अर्की एक छोरी र बाबु भने बाँच्न सफल भएका छन् । उपेन्द्रको कार अक्षरधाम फ्लाईओभरमा आइपुग्दा अचानक आगो लागेको थियो ।
घटनाको जानकारी पाएपछि दमकलले आगो निभाएको थियो । सीएनजी लिक भएर कारमा आगो लागेको आशंका रहेको र थप अनुसन्धान भैरहेको प्रहरीले जनाएको छ ।
