काठमाडौँ, ७ फागुन । एकतन्त्रीय जहानीय राणा शासनको अन्त्य गर्दै नेपालमा प्रजातन्त्र स्थापनाको ६९ औं दिवसका अवसरमा आज देशभर विभिन्न कार्यक्रमहरु गरी व्यापक रुपमा मनाइदैछ ।
काठमाडौँमा आजदेखि तीनदिनसम्म सैनिकमञ्च, टुँडिखेलमा भव्यताका साथ मनाइँदै छ । टुँडिखेलमा मनाइने दिवसमा राष्ट्रपति, प्रधानमन्त्री लगायतका विशिष्ठ व्यक्तित्वले सहभागिता जनाउनु हुने भएको छ । प्रजातन्त्र दिवसकै अवसरमा टुँडिखेलमा नेपाली सेनाको विशेष प्रर्दशन समेत हुने भएको छ । प्रदेश नं. १ तीन दिन मनाउने भएको छ ।
उक्त कार्यक्रमको प्रत्यक्ष प्रसारण नेपाल टेलिभिजन र रेडियो नेपाल लगायतका सञ्चार माध्यमबाट प्रत्यक्ष प्रसारण समेत हुने भएको छ ।
उतिबेला आएको प्रजातन्त्र नेपालीहरुको पोल्टाबाट फेरि विसं २०१७ मा खोसिएको इतिहास जिवितै छ । क्रमशः ब्यापक धाँधलीकाबिच भएको ३६ सालको जनमतसंग्रह सहित विभिन्न कालखण्डमा भएका नागरीकको आवाज दबाउने श्रृंखलाहरुको अन्त्य भने विसं २०४७ सालमा आएको बहुदलीय प्रजातन्त्र अनि संबैधानिक राजतन्त्रको ब्यवस्थाले गरेको थियो ।
क्रमशः विभिन्न चरणका आन्दोलन, सशस्त्र द्वन्दकाल हुँदै ६२ अनि ६३ सालको आन्दोलनसँगै नेपाल आज संघीय गणतान्त्रीक देश भईसकेको छ । शायद आज यिनै ईतिहासका दस्तावेज पल्टाउँदै नेपाली प्रजातान्त्रिक अभ्यासका प्राप्ती, प्रगती र नेपालीजनको हितमात्रलाई पनि नियाल्ने दिन हो ।
