काठमाडौं, ३ फागुन । हिरो गोल्डकप फुटबल प्रतियोगितामा म्यानमारले जित हासिल गरेको छ ।
भारतको उडिसास्थित कालिङ्गा रंगशालामा भएको खेलमा नेपाल म्यानमारसंग ३-१ ले पराजित हुँदै उपविजेता बनेको छ ।
उपविजेता हुँदै नेपालले ५ लाख भारतीय रुपैयाँ (नेपाली रुपैयाँ ८ लाख) जितेको छ । विजेता म्यानमारले ७ लाख भारतीय रुपैयाँ जितेको छ ।
फाइनल खेलको ३४ औँ मिनेटमा म्यानमारले गोल गर्दै बनाएको १–० को अग्रता नेपालकी मञ्जली योञ्जनले ४५ औं मिनेटमा बराबरी गरेकी थिइन् । पहिलो हाफमा १–१ को बराबरी भएको खेलको दोस्रो हाफ नेपालका लागि राम्रो हुन सकेन ।
खेलको ५२ औैं मिनेटमा म्यानमारले अग्रता बनाएर खेल २–१ मा पुर्याएको थियो । त्यसको १० मिनेटपछि ६२ औं मिनेटमा म्यानमारले अग्रता ३–१ बनाएको थियो ।
लिग चरणको पहिलो खेलमा नेपाली टिम म्यानमारसंग ३–० ले पराजित भएको थियो ।
