एजेन्सी, ३ फागुन । अमेरिकी राष्ट्रपति डोनाल्ड ट्रम्पले राष्ट्रिय संकटकाल घोषणा गर्ने भएका छन् ।
बीबीसीका अनुसार राष्ट्रपति ट्रम्पले मेक्सिकोको सिमानामा बनाउने भनेको पर्खालको लागि आवश्यक पैसा जुटाउनको लागि राष्ट्रिय संकटकाल घोषणा गर्ने भएका भएको जनाएको छ ।
ट्रम्पले त्यहाँको संसद९कँग्रेस०लाई ‘बाइपास’ गरेर सैन्य कोषलाई पर्खाल बनाउन प्रयोग गर्ने जनाएको छ । डेमोक्रेट पार्टीका बरिष्ठ नेताहरुले भने ट्रम्पले संकटकाल घोषणाको तयारीलाई ‘शक्तिको निर्लज दूरुपयोग’ र ‘स्वेच्छाचारी कदम’ भनेका छन् ।
डेमोक्रेटहरुको बहुमत रहेको अमेरिकाको संसदको तल्लो सदनले बिहीबार एक विधेयक पास गरेको थियो, जसमा ट्रम्पले पर्खालको लागि माग गरेको रकम छुट्याइएको छैन । उक्त विधयक कानुन बन्नको लागि राष्ट्रपति ट्रम्पले हस्ताक्षर गर्नुपर्छ ।
मेक्सिकोसँग जोडिएको भागमा पर्खाल बनाउने ट्रम्पको प्रमुख चुनावी प्रतिबद्धता थियो । तर राष्ट्रपतिको रुपमा उनले हालसम्म उक्त योजनालाई अघि बढाउनको लागि बजेट पाइरहेका छैनन् ।
अमेरिकाको संसदको तल्लो सदनकी सभामुख न्यान्सी पेलोसीले राष्ट्रपतिले संकटकाल घोषणा गरे डेमोक्रेटहरुले कानुनी चूनौती दिने बताइसकेकी छिन् ।
