एजेन्सी, २९ माघ । दिल्लीको एक होटलमा आगलागी हुदा ९ जनाको मृत्यु र दर्जनौ गम्भीर घाइते भएका छन ।
करोलबागस्थित होटल अर्पित प्यालेसमा मंगलबार साढे चारबजे होटलको माथिल्लो तल्लामा भिषण आगलागी भएको जनाएको छ ।
आगो नियन्त्रणका लागि २७ वटा दमकल परिचालन गर्नुपरेको भारतीय मिडियाले बताएको छ । उक्त दुर्घटनामा मारिएकाको शव बाहिर निकालिएको छ ।
यद्यपी, आगलागीको कारण भने पत्ता लाग्न सकेको छैन । करिब ३० जनालाई होटल बाहिर निकालिएको छ ।
गहिरो निन्द्रामा परेका मानिसहरुले केही बुझ्न नपाउँदै आगो फैलिसकेको थियो । चिफ फायर अफिसरका अनुसार दुई व्यक्ति होटलको भवनबाट हाम फालेका थिए ।
