एजेन्सी, ३ माघ । एसियन कप फुटबलमा दक्षिण कोरिया र चीन प्रि क्वार्टरफाइनलमा प्रवेश गरेका छन् ।
बुधबार भएको अन्तिम खेलमा दक्षिण कोरियाले चीनलाई पराजित गर्दै समूह विजेताको रुपमा प्रि क्वाटरफाइनलमा प्रवेश गर्दा चीन पनि उपविजेताको रुपमा प्री क्वाटरफाइनलमा प्रवेश सफल भएको छ ।
कोरियाले चीनमाथि २–० को जित निकाल्दा इउ जो ह्वाङले पेनाल्टी मार्फत १४ औं मिनेटमा गोल गर्दै अग्रता दिलाएका थिए । पहिलो हाफमा १ गोल गरेको कोरियाले दोस्रो हाफमा पनि १ गोल थपेको थियो । मिन जी किमले गोल गर्दै अग्रता दोब्बर पारेका थिए ।
