एजेन्सी, २८ पौष । अमेरिकी विदेशमन्त्री माइक पोम्पियो हाल मिश्रको राजधानी कायरो भ्रमणमा रहेका छन् । भ्रमणको क्रममा पोम्पियोले सिरियामा इरानको प्रभावलाई अन्त्य गर्ने बताएका छन् ।
इरान र इरानको पक्षका लडाकुहरु नबाहिरिएसम्म सिरियाका राष्ट्रपति नियन्त्रित क्षेत्रमा पुनर्निर्माणका लागि सहयोग नगर्ने घोषणा पनि उनले गरेका छन् ।
पोम्पियोले ट्रम्पको घोषणाले गर्दा निराश बनेका देशहरुलाई भरोसा दिलाउदै भनेका छन्, ‘अमेरिका आतंकविरुद्ध संघर्ष पूरा नभएसम्म फर्किने छैन । सुरक्षामा खतरा बनेका स्लामिक स्टेट समूह, अल कायदा र जिहादीलाई हराउनका लागि हामी मिलेर लड्ने छौं ।’
करिब तीन हप्ता पहिले अमेरिकी राष्ट्रपति डोनाल्ड ट्रम्पले सिरियाबाट अमेरिकी सैनिक हटाउने घोषणा गरेका थिए ।
