काठमाडौँ, १७ भदौ । प्रधानमन्त्री बालेन्द्र शाहले हालैको प्राकृतिक विपद्मा परी मृत्यु भएका १ हजार १ सय १४ जनाको शव फेला परेको जानकारी दिए ।
आज प्रतिनिधिसभाको बैठकलाई सम्बोधन गर्दै उनले सो विवरण सार्वजनिक गरे । उनका अनुसार फेला परेका शवमध्ये हालसम्म ९५ जनाको मात्रै पहिचान खुलेको छ । पहिचान भएका शवहरू आवश्यक प्रक्रिया पूरा गरी आफन्तजनलाई जिम्मा लगाइएको उनले बताए ।
पहिचान हुन नसकेका बाँकी शवहरूको हकमा भने सरकारले कानुनी र वैज्ञानिक आधारमा आवश्यक प्रक्रिया पूरा गरी जमिनमुनि सुरक्षित राखिएको जानकारी उनले दिए । विपद्मा ज्यान गुमाउने र बेपत्ता हुनेहरूको खोजी तथा पहिचान कार्यलाई सरकारले संवेदनशीलताका साथ अघि बढाइरहेको उनले बताए ।
