काठमाडौँ, १५ साउन । चलचित्र ‘आचार्य’को फर्स्ट लुक भिडियो सार्वजनिक गरिएको छ । फर्स्ट लुक भिडियोको केन्द्रमा एक्सन छ ।
निखिल उप्रेतीको एक्सन फर्स्ट लुक भिडियोमा देखाइएको छ । सिक्स–प्याक बडीमा देखिएका निखिलले एक्सनका लागि लिएको रिस्क प्रस्तुत छ ।
एक्सन नायकका रूपमा लामो समय काम गरेका निखिल केही वर्षयता सिनेमामा देखिएका थिएनन् । ‘आचार्य’मार्फत उनी कमब्याकको प्रयास गरिरहेका छन् ।
फर्स्ट लुक भिडियोसँगै ‘आचार्य’को प्रदर्शन मिति पनि तय गरिएको छ । यो चलचित्र असोज ९ गतेबाट प्रदर्शमा आउनेछ । ‘आचार्य’लाई निखिल स्वयंले निर्देशन गरेका छन् । कथा पनि निखिलकै रहेको छ ।
