काठमाडौँ, ११ साउन । अर्जेन्टिनाका कप्तान तथा इन्टर मियामीका स्टार फरवार्ड लियोनेल मेसी यही बुधबार नर्थ क्यारोलिनाको चार्लोटमा हुने एमएलएस अलस्टार खेलबाट आधिकारिक रूपमा बाहिरिएका छन् ।
विश्वकपको फाइनलसम्मको लामो यात्रापछि उनी अहिले विश्राममा रहेकाले खेल नखेल्ने भएका हुन् । मेसीसँगै हुगो कुइपर्स, रोड्रिगो डे पाउल र म्बेकेजेली म्बोकाजी पनि अलस्टार खेलबाट बाहिरिएका छन् ।
यस खेलमा एमएलएसका उत्कृष्ट खेलाडीहरूले मेक्सिकोको लिगा एमएक्सका उत्कृष्ट खेलाडीहरूसँग प्रतिस्पर्धा गर्नेछन् । शिकागो फायरबाट उत्कृष्ट प्रदर्शन गर्दै अलस्टार टोलीमा स्थान बनाएका कुइपर्सलाई मेक्सिकोको सीएफ मोन्टेरेमा स्थानान्तरण गरिएको थियो । त्यसैले उनी पनि अलस्टार खेलमा सहभागी हुने छैनन् ।
