काठमाडौँ, ७ साउन । महानायक राजेश हमालले देशको शासन प्रणाली दूरदृष्टि, तथ्यमा आधारित निर्णय र दीर्घकालीन रणनीतिका आधारमा सञ्चालन हुनुपर्ने बताएका छन् ।
आज सामाजिक सञ्जाल फेसबुकमा स्ट्याटस लेख्दै उनले देशको शासन प्रणाली ‘हिट एन्ड मिस’ अर्थात् अन्दाज र परीक्षणको भरमा सञ्चालन गर्नु बुद्धिमानी नहुने उल्लेख गरेका छन्।
हमालले कुनै पनि राष्ट्रको भविष्य संयोगका भरमा नभई स्पष्ट दृष्टिकोण, तथ्यमा आधारित निर्णय र दीर्घकालीन रणनीतिमार्फत निर्माण हुने बताएका छन्।
उनका अनुसार भविष्यप्रतिको स्पष्ट योजना र आगामी ५, १० वा २० वर्षमा देश कहाँ पुग्नेछ भन्ने यथार्थपरक पूर्वानुमानबिना केवल दैनिक व्यवस्थापनका समस्यामै अल्झिरहँदा मुलुकको विकास प्रभावित हुन सक्छ ।
