काठमाडौँ, २ साउन । नेपाली फिल्म ‘हजारौँमा एक’ निर्माण हुने भएको छ ।
एक्सन–एड्भेन्चर विधामा निर्माण हुन लागेको यो फिल्म रहस्य र अलौकिक कल्पनामा आधारित हुनेछ ।
फिल्मको निर्देशन सञ्चारकर्मी समेत रहेका सुव्रत आचार्यले गर्नेछन् भने कथा सीता मायाले परिकल्पना गरेकी हुन् ।
दीपेन्द्र गौतम ‘माइकल’ कार्यकारी निर्माताको भूमिकामा रहनेछन् । यो फिल्म मलियालम र हिन्दी भाषामा समेत डबिङ गरिने निर्माणपक्षले बताएको छ ।
मुख्य अभिनेतासम्बन्धी विस्तृत जानकारी केही समयपछि फिल्मको अफिसियल फर्स्ट लुक सार्वजनिक गर्ने क्रममा गरिने निर्माण पक्षले जनाएको छ ।
