काठमाडौँ, ३० असार । प्रमुख विपक्षी नेपाली कांग्रेस संसदीय दलका नेता भीष्मराज आङ्देम्बेले विभिन्न सञ्चारगृह तथा प्रमुख प्रतिपक्षी दल नेपाली कांग्रेसका सभापति गगनकुमार थापाको घरअगाडि शंकास्पद रूपमा सवारीसाधन पार्क गरिएको घटनाप्रति गम्भीर आपत्ति जनाएका छन् ।
उनले यस घटनालाई प्रधानमन्त्री बालेन शाह नेतृत्वको सरकारको आलोचना सहन नसक्ने प्रवृत्तिसँग जोड्दै कडा टिप्पणी गरेका छन् ।आङ्देम्बेले लोकतन्त्रमा आलोचना सहन सक्ने क्षमता नै सरकारको शक्ति हुने बताएका छन् ।
उनले स्टाटसमार्फत् लेखेका छन्, ‘लोकतन्त्रमा सरकारको सबैभन्दा ठूलो शक्ति आलोचना सहने क्षमता हो । तर, जब सरकार आलोचनाबाट डराउन थाल्छ, तब उसले प्रश्नकर्ताहरूलाई नै निशाना बनाउन खोज्छ,’ । ‘गेटअगाडि गाडी राखिएको घटना बाटो छेक्ने मात्रै नभएर आलोचनात्मक आवाज थुन्ने प्रयास हो,’ ‘यो घटना स्वतन्त्र प्रेससँगै विपक्षी दलका नेतृत्वलाई मनोवैज्ञानिक दबाबमा राख्ने, डर देखाउने र ‘प्रश्न गर्यौ भने परिणाम भोग्नुपर्छ भन्दै तर्साइएको हो ।’ ‘सञ्चारमाध्यमहरू र प्रतिपक्ष सरकारको शत्रू होइनन् । उनीहरू जनताका आँखाअघि राज्यका कामकारबाही जस्ताको तस्तै देखाउने ऐना हुन् । ऐन फुटाएर अनुहार सुन्दर देखिँदैन ।’ ‘गाडीले गेट त छेक्न सकिएला तर जन–आवाजहरू छेक्न सकिन्न, इतिहासले पुष्टि गरेको छ कि गेट छेकिए पनि प्रश्नको बाटो बन्द हुँदैन,’ ।
