एजेन्सी, २८ असार । अमेरिका र इरानबिच सैन्य आक्रमण भइरहेका बेला आइतबार ओमानमा पनि ड्रोन आक्रमण भएको समाचार सार्वजनिक भएको छ ।
ओमान समाचार एजेन्सीले सुरक्षा स्रोतलाई उद्धृत गर्दै मुसन्दम गभर्नरेटका केही स्थानमा ड्रोन आक्रमण भएको जनाएको छ ।
ती ड्रोन कहाँबाट प्रहार गरिएका थिए भन्नेबारे भने जानकारी दिइएको छैन । मुसन्दम गभर्नरेट स्टेट अफ होर्मुजसँग जोडिएको रणनीतिक क्षेत्र हो । यसअघि इरानी सरकारी सञ्चारमाध्यमले अमेरिकाले इरानमाथि गरेको पछिल्लो हवाई आक्रमणको प्रतिशोधस्वरूप ओमान र जोर्डनका केही सैन्य लक्ष्यमा इरानी सेनाले आक्रमण गरेको दाबी गरेका थिए ।
