काठमाडौँ, २६ असार । फिल्म ‘आशा’ निर्माण हुने भएको छ ।
बिहीबार काठमाडौँमा आयोजित एक कार्यक्रमबिच फिल्म घोषणा गरिएको हो । अग्रज प्राविधिकलाई सम्मान गर्दै घोषणा गरिएको उक्त कार्यक्रममा फिल्मको विषयवस्तु, कलाकारसँगै प्राविधिकको परिचय गराइयो ।
उडान स्टुडियोको लगानीमा निर्माण हुने फिल्मकी निर्माता शर्मिला थापा रहेकी छन् । फिल्मको निर्देशन राजीव गुरुङले गर्नेछन् ।
फिल्ममा कलाकारको रूपमा महेश त्रिपाठी, अञ्जना बराइली, सुशील सिटौला, शुशांक मैनाली, आशान्त शर्मा, केनिपा सिंह, कविता रेग्मी लगायतका कलाकारको अभिनय रहनेछ ।
