काठमाडौँ, १४ असार । पूर्वमिस नेपाल इन्टरनेसनल न्यान्सी खड्का अभिनित आगामी फिल्म ‘अक्षरा’को पहिलो झलक सार्वजनिक भएको छ ।
डेब्यू फिल्म ‘१२ गाउँ’ व्यवसायिक हिट बनेपछि न्यान्सीले यो फिल्म गरेकी हुन् । प्रदर्शन तयारीमा रहेको फिल्मले न्यान्सीलाई फिचर्ड गर्दै पोस्टर सार्वजनिक गरेको छ, जहाँ उनले निर्वाह गरेको चरित्र चित्रण देख्न सकिन्छ । विम्वपरक ढंगबाट तयार पारिएको यो पोस्टरले चरित्र चित्रण र मनोदशाबाट केही संकेत गर्छ ।
विनयराज पौडेल निर्देशित फिल्ममा न्यान्सीसहित सुशील सिटौला, सुशील पोखरेल, पुष्कर राउत, सृष्टि खड्का, उत्तम केसी, रिश्ता अधिकारी, अंशु महर्जन, गीता अधिकारी लगायतको अभिनय छ ।
‘अक्षरा’ २६ भदौदेखि प्रदर्शन तयारीमा छ ।
