एजेन्सी, १४ असार । अमेरिकाले लगातार दोस्रो दिन पनि इरानमाथि बमबारी गर्दै सिरिक सहर र केश्म द्वीपलाई निशाना बनाएको छ ।
यो आक्रमण होर्मुज जलडमरूमध्य नजिकै एक व्यापारिक जहाजमाथि ड्रोन आक्रमण भएपछि गरिएको हो । सरकारी टेलिभिजनले धेरै प्रक्षेप्यास्त्रले दूरसञ्चार टावरहरूमा प्रहार गरेको जनाएको छ । पछिल्लो पटक सिरिक सहर र केश्म द्वीप गरि दुई स्थानमा आक्रमण भएको बताइएको छ ।
गत साता स्विट्जरल्यान्डमा समझदारीपत्रमा हस्ताक्षर भएपछि यी दुई पक्षबीच यो दोस्रो सैन्य भिडन्त हो । यसले उक्त समझदारीपत्रको भविष्य र जारी वार्ताको भविष्यबारे गम्भीर चिन्ता तथा प्रश्नहरू उठाएको छ । अहिले दुवै देशका लागि जटिल अवस्था सिर्जना भएको छ ।
