काठमाडौँ, १ जेठ । फिल्म ‘गौँथली’को पोस्टर सार्वजनिक भएको छ ।
निर्माणपक्षले आज सिनेमाका दुई पोस्टर सार्वजनिक गरेको हो । सार्वजनिक दुई पोस्टरमा फिल्मका दुई मुख्य पात्र छन् । एउटामा नायक अरुण क्षेत्री र नायिका सिम्रन खड्का दुवै अटाएका छन् । दोस्रो पोस्टरमा सिम्रन मात्रै छिन् ।
‘गौँथली’ साउन १ गतेबाट प्रदर्शनमा आउँदै छ । डा. कपिल रिजालले निर्देशन गरेको चलचित्र ‘गौँथली’मा अरुण क्षेत्री र सिम्रन खड्का मुख्य भूमिकामा छन् ।
मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, संयोग रसाइली, सीतादेवी तिमिल्सिना, लक्ष्मीनाथ तिमिल्सिना र राजेन्द्र नेपालीको पनि अभिनय रहेको छ ।
