काठमाडौँ, १२ बैशाख । प्रतिनिधिसभाका सांसद तथा पूर्वमन्त्री महाविर पुनले जनताको मतबाट निर्वाचित सांसद जनताको नोकर भएको उल्लेख गर्दै स्वागत गरेनन् भनेर धाक धम्की दिनु गम्भीर गल्ती भएकाले जनतासँग माफ माग्न आग्रह गरेका छन् ।
राष्ट्रिय स्वतन्त्र पार्टीबाट निर्वाचित विश्वराज पोखरेलले स्थानीय विद्यालयका प्रधानाध्यापकले आफुलाई स्वागत नगरेको भन्दै गाली गलौच तथा धम्की दिएका थिए । जनताबाट निर्वाचित सांसदले जनताको नै अपमान गर्नु नहुने भन्दै सांसद पुनले पोखरेललाई फिर्ता बोलाई माफि माग्न आग्रह गरे । पोखरेको अभिव्यक्तिले समग्र सांसदहरुको नै बेइजत भएको उल्लेख गर्दै पुनले आफ्नो कार्यकाल भरी समय र बुद्धि जनताको काममा लगाउनुपर्नेमा जोड दिए ।
पोखरेलले प्रअलाई धम्क्याएको भिडियो फेसबुकमा सेयर गर्दै उनले भनेका छन्, ‘यिनी कुन पार्टीका हुन् कुन्नी रु म यिनको नेता भएको भए ठाउँको ठाउँ ठहरै बर्खास्त गरेर घर जाने टिकट काटेर पठाउने थिएँ । सासंद भनेको जनताको नोकर हो । एउटा सासंदले आफ्नो क्षेत्रको जनताले अह्राएको काम गर्नु पर्छ । ५ बर्ष सम्म आफ्नो समय र बलबुद्धि जनताको काममा लगाउनुपर्छ । बाटोमा स्वागत गरेनन् भनेर उसले दुनियाँले देख्ने र सुन्ने गरेर यति धेरै धाक र रवाफ दिनु हुन्छ ? कि तुरुन्त माफी माग्नु पऱ्यो कि त सारा जनताले फिर्ता बोलाउनु पऱ्यो । सासंद पदको बेईजत नै गऱ्यो त ।’
