एजेन्सी, ७ बैशाख । अमेरिकी सेनाले इरानी पानीजहाजलाई कब्जामा लिएको छ ।
अमेरिकाले लगाएको नाकाबन्दी उल्लंघन गर्न खोज्ने उक्त पानीजहाजलाई अमेरिकी सेनाले गल्फ अफ ओमाननजिक गोली प्रहार गरी आफ्नो कब्जामा लिएको बताएको छ ।
अमेरिकी सेन्ट्रल कमान्डले इरानी झन्डावाल जहाज टुस्कालाई इरनी बन्दरगाहतर्फ अगाडि बढ्दै गर्दा नियन्त्रणमा लिएको बताएको छ ।
“टुस्का जहाजका चालकदलले पटकपटक दिइएको चेतावनी पालना नगरेपछि ६ घण्टाको अवधिभित्र अमेरिकी विध्वंशक जहाजले उसको इन्जिन रुम खाली गर्न निर्देशन दियो,” अमेरिकी सेन्ट्रल कमान्डले भनेको छ ।
नियन्त्रणमा लिइसकेपछि यसको इन्जिन रुममा धेरैपटक गोली प्रहार गरी यसलाई काम गर्न नसक्ने बनाएको सेन्ट्रल कमान्डले जनाएको छ ।
अमेरिकाले इरानी बन्दरगाहवरिपरि नाकाबन्दी सुरु गरेपछि अहिलेसम्म २५ वटा जहाजलाई फिर्ता पठाइसकिएको बताएको छ ।
यसैबीच सामाजिक सञ्जालमार्फत इरानी सेनाले यसको जवाफमा तुरुन्त कदम चाल्ने बताएको छ । इरानी सरकारी प्रसारक आईआरआईबीले यो घटनालाई राजमार्ग डकैतीको कार्यसँग तुलना गर्दै इरानी कमर्सियल जहाजलाई कब्जा गरेर युद्धविरामको उल्लंघन गरेको बताएको छ ।
