काठमाडौँ, ५ बैशाख । गुल्मीको रेसुंगा विमानस्थलबाट आजदेखि सातामा चारपटक हवाई उडान सञ्चालन गरिने भएको छ ।
नेपाल वायुसेवा निगमले काठमाडौँबाट गुल्मीका निम्ति आइतबार, मंगलबार, बिहीबार र शनिबार उडान भर्ने तालिका सार्वजनिक गरेको हो ।
यहाँ यसअघि आइतबार, मंगलबार र बिहीबार उडान सञ्चालन हुँदै आएको थियो । निगमको आन्तरिक उडानतर्फ रहेका ट्विनअटर विमानको मर्मतसम्भारसँगै उडान तालिका थप गरिएको हो । निगमको उडान तालिका थप र भाडादर समेत वृद्धि भएको छ ।
नयाँ लागु गरिएको भाडादर अनुसार, काठमाडौँबाट रेसुंगाका निम्ति प्रतियात्री १० हजार ९०२ रुपैयाँ तोकिएको छ । रेसुंगाबाट काठमाडौंका निम्ति १० हजार ७०२ रुपैयाँ निर्धारण गरिएकोे छ ।
