काठमाडौँ, २ बैशाख । चलचित्र ‘एक मुठ्ठी बादल’को पोस्टर सार्वजनिक भएको छ ।
पोस्टरले चलचित्रभित्र रहेका सम्पूर्ण कलाकारलाई चिनाउँदै चलचित्रको कथा पारिवारिक कथामा केन्द्रित रहेको संकेत गरेको छ ।
पोस्टरको केन्द्रमा आँचल शर्मालाई देख्न सकिन्छ । उनको वरिपरि परिवारका सदस्यहरू बसेका छन् । घरभित्र रहेका उनीहरूको लवाइले कसैलाई स्वागत गर्न पर्खेझैँ देखिन्छ । यो पोस्टरले त्यो क्षण समात्छ, जब पाहुनाहरू आउनुअघि सबैजना तयार भएर बसिरहेका हुन्छन् । तर, पाहुनाहरूले घरभित्र पस्दा, उनीहरूले घर मात्र होइन, घरभित्र पनि मौनता पनि देख्छन् ।
पोस्टरको अग्र भागमा वरिष्ठ कलाकार निशा शर्मा र शेखर चापागाईं छन् । पछाडिको भागमा सहयोग अधिकारी, गौरव विष्ट र अस्मिता गौतम उभिएका छन् । उनीहरूको बसाइले तीनैजना परिवारको हिस्सा नभएको संकेत गर्छ ।
