काठमाडौँ, १ बैशाख । लेखक तथा निर्देशक राजबहादुर सानेले नयाँ वर्ष २०८३ को अवसर पारेर नयाँ चलचित्र निर्माणको घोषणा गरेका छन् ।
चलचित्र ‘गंगारानी’ निर्माणको औपचारिक घोषणा गरिएको हो । निर्देशक सानेकै लेखन तथा निर्देशनमा बन्ने चलचित्र ‘गंगारानी’ आगामी जेठको अन्त्यतिर छायांकनमा जानेछ । प्रेमकथामा आधारित चलचित्रमा कलाकार भने टुंगो लाग्न बाँकी छ ।
चलचित्रको औपचारिक घोषणासँगै थिम पोस्टर पनि सार्वजनिक गरिएको छ । सार्वजनिक पोस्टरमा एक युवक गिटार बोकेर उभिएको देखिन्छ । एक युवती गाडीमा आड लिएर उभिएकी छन् । चलचित्रमा एक गरिब युवक र धनी युवतीबीचको प्रेमकथा प्रस्तुत गरिने निर्देशक सानेले बताएका छन् ।
