काठमाडौँ, २६ चैत । दक्षिण भारतीय सुपरस्टार अल्लु अर्जुनले आफ्नो ४४औँ जन्मदिनको अवसर पारेर नयाँ चलचित्र ‘राका’ को डरलाग्दो फर्स्टलुक पोस्टर सार्वजनिक गरेका छन् ।
‘जवान’ का निर्देशक एट्लीको निर्देशनमा बन्न लागेको यस चलचित्रलाई लिएर दर्शकमाझ ठूलो उत्साह छाएको छ ।
यसअघि ‘AA22xA6’ कोड नाम दिइएको यो चलचित्रमा बलिउड अभिनेत्री दीपिका पादुकोण पनि महत्त्वपूर्ण भूमिकामा देखिने निश्चित भएको छ। सार्वजनिक पोस्टरमा अल्लु अर्जुनको लुक्सले सबैलाई स्तब्ध बनाएको छ ।
प्रोस्थेटिक मेकअपको प्रयोग गरी उनलाई निकै पाको र खतरनाक रूपमा प्रस्तुत गरिएको छ । पोस्टरको क्याप्सनमा ‘सीमाभन्दा परको सोचका लागि तयार रहनुहोस्’ भनिएको छ ।
