काठमाडौँ, १२ चैत । हलिउड निर्देशक जेम्स क्यामरुनको साइन्स फिक्सन फिल्म ‘अवतारः फायर एण्ड एस’ (अवतार ३) अब ओटीटी प्लेटफर्ममा रिलिज हुने भएको छ ।
फिल्म ३१ मार्च २०२६ देखि अन्तर्राष्ट्रिय दर्शकका लागि ‘डिज्नी प्लस’ ओटीटीमा आउने भएको छ । फिल्म करिब ४०० मिलियन डलरमा निर्माण भएको हो ।
फिल्मले बक्स अफिसमा १.४९ बिलियन डलरको कमाइ गर्दै व्यावसायिक सफलता हासिल गरेको थियो । फिल्मको उत्कृष्ट मेकिङ र प्राविधिक पक्षका कारण यसले ९८औँ एकेडेमी अवार्ड (अस्कर २०२६) मा ‘बेस्ट भिजुअल इफेक्ट्स’ को अवार्ड समेत हात पारेको छ । जेम्स क्यामरुनको यो फ्रेन्चाइज विश्वकै सबैभन्दा बढी कमाउने फिल्म सिरिजको रूपमा स्थापित छ ।
