काठमाडौँ, ४ पौष । देशै भरका नागरिकले बैदेशिक रोजगारीको लागि श्रम स्वीकृत लिन काठमाडौँ आउनुपर्ने बाध्यताको अन्त्य हुने भएको छ ।
आगामी पुस १५ गतेदेखि वैदेशिक रोजगारीमा जाने कामदारले श्रम स्वीकृति प्रदेशस्तरबाटै पुनः श्रमस्वीकृति र व्यक्तिगत श्रम स्वीकृति दिने काम सुरु हुने पक्का भएको छ ।
रोजगार तथा सामाजिक सुरक्षा मन्त्रालयले ६ वटा प्रदशस्तरीय श्रम कार्यालयमा वैदेशिक रोजगार इकाइ गठन गरेर यो सेवा दिन लागेको हो । आगामी १५ गतेदेखि काठमाडौँ, विराटनगर, धनुषा, पोखरा बुटवल, सुर्खेत र धनगढीका श्रम कार्यालयबाट नै श्रम स्वीकति दिने भएको हो ।
