काठमाडौँ, २ पौष । अभिनेता प्रदीप खड्काले राष्ट्रिय स्वतन्त्र पार्टी (रास्वपा)का सभापति रवि लामिछानेलाई भेटेका छन् ।
मंगलबार नख्खु कारागार पुगेर खड्काले रविलाई भेटेका हुन् । रविले प्रदीपलाई रास्वपाबाट राजनीतिमा आउग आग्रह गरेका थिए ।
प्रदीपले भने, “उहाँ (रवि लामिछाने)ले तपाईं चुनौती स्वीकार गर्ने मान्छे हो, राजनीतिमा खुल्नुस् भन्नुभयो,” “तर, मैले अहिले तपाईंहरू हुनुहुन्छ, यो राजनीतिकलाई क्लिन गर्नुस् भने । भोलि परिआएको अवस्थामा आउँला तर अहिले आठ/दश वर्ष चलचित्रमा नै रहन्छु भनेँ ।”
गोपिकृष्ण मुभीजको चलचित्र ‘रोज’ गर्दादेखि नै रविसँग चिनजान रहेको भन्दै प्रदीपले रविसँग ४५ मिनेट कुराकानी भएको बताए । नयाँ सरकार आएको तीन महिना बितिसके पनि अपेक्षित काम हुन नसकेको रविको गुनासो रहेको बताए ।
