काठमाडौँ, २८ कार्तिक । भारतकाे टायल्स र बाथवेयर कम्पनी सोमानी सेरामिक्स लिमिटेडले नेपाल तथा दक्षिण–पूर्व एशियाका लागि नेपाली क्रिकेट टिमका पूर्वकप्तान पारस खड्कालाई आधिकारिक ब्रान्ड एम्बासडर नियुक्त गरेको छ ।
यो सहकार्यले सोमानी सेरामिक्सको नेपाली उपभोक्ताहरूसँगको सम्बन्धलाई अझ गहिरो बनाउने र बजारमा आफ्नो अग्रणी स्थानलाई थप सुदृढ बनाउने उद्देश्य राखेको छ ।
पारस खड्का नेपालमा सोमानी सेरामिक्सको ब्रान्ड फेसका रूपमा रहने र उनलाई टायल्स, बाथवेयर, एडेशिभ र वाटरप्रुफी लगायत सोमानी सेरामिक्सका सम्पूर्ण उत्पादनहरूको ब्रान्ड प्रवर्द्धनका विभिन्न क्रियाकलापमा सहभागी गराइने कम्पनीले जनाएको छ ।
सोमानी सेरामिक्सका सहअध्यक्ष सुजित मोहन्तीले पारस खड्कालाई सोमानी परिवारमा स्वागत गर्न पाउँदा खुशी लागेकाे बताए ।
