एजेन्सी, १७ कार्तिक । पश्चिमी मेक्सिकोको मिचोआकान राज्यमा एक मेयरको सार्वजनिक रूपमा गोली हानी हत्या गरिएको छ ।
डे अफ डेड को अवसरमा आयोजित कार्यक्रममा भीडलाई सम्बोधन गर्ने क्रममा उरुआपान शहरका मेयर कार्लोस अल्बर्टो मान्जो रोड्रिगेजमाथि गोली प्रहार भएको हो ।
उनीमाथि सात राउन्ड गोली प्रहार गरिएको थियो । घटनालगत्तै उनलाई अस्पताल लगिएको थियो, तर उपचारको क्रममा उनको मृत्यु भएको प्रहरीले जनाएको छ ।
राज्यका अभियोजक कार्लोस टोरेस पिनाको अनुसार, घटना शनिबार राति भएको हो । गोलीबारीमा नगर परिषदका एक सदस्य र एक जना अंगरक्षक पनि घाइते भएका छन् ।
