काठमाडौँ, १९ असोज । चलचित्र ‘अभिमन्यु’ प्रदर्शन मिति पुनः सरेको छ ।
देशको पछिल्लो विपद्को अवस्थालाई मध्यनजर गर्दै निर्माण टिमले कात्तिक २१ गतेबाट चलचित्र प्रदर्शनमा ल्याउने निर्णय गरेको छ ।
“सबैको सल्लाह र जनभावनाअनुसार अब अभिमन्यु अब कात्तिक २१ मा प्रदर्शन हुनेछ,” निर्माता पौडेलले भने । यसअघि यो चलचित्र असोज २४ गतेदेखि प्रदर्शनमा आउने तय थियो ।
सेभेन सिज सिनेमाको प्रस्तुति निर्माण भएको ‘अभिमन्यु’मा कामेश्वर चौरसिया, सरिता गिरी, किरण श्रेष्ठ, लक्ष्मी बर्देवा, गौमाया गुरुङ, प्रकाश दाहाल, शिशिर वाङ्देल मुख्य भूमिकामा छन् ।
सुशान्त गौतमले निर्देशन गरेको ‘अभिमन्यु’को क्रिएटिभ निर्देशक मदन थापा हुन् । यस चलचित्रमा मुकेश खनालको लेखन रहेको छ ।
