काठमाडौँ, ५ भदौ । वेस्ट इन्डिजविरुद्धको ऐतिहासिक ट्वान्टी–२० शृंखलाका निम्ति नेपाली क्रिकेट टिमलाई युनाइटेड अरब इमिरेट्स (यूएई)ले भिसा दिएको छ ।
यसअघि अस्वीकार गरेको भिसा आज दिएको क्यानका प्रवक्ता छुम्बी लामाले जानकारी दिए ।
लामाले भनेका छन्, “नेपाल क्रिकेट संघको आयोजनामा सन् २०२५ सेप्टेम्बर २७ देखि ३० सम्म संयुक्त अरब इमिरेट्स (यूएई) मा सञ्चालन हुने नेपाल र वेस्ट इन्डिजका राष्ट्रिय क्रिकेट टोलीहरुबीचको युनिटी कप टि ट्वान्टी इन्टरनेशनल खेलहरुको लागि नेपाली राष्ट्रिय क्रिकेट टोलीको यूएई भिसा प्राप्त भइसकेको बेहोरा जानकारी गराइन्छ,” “साथै नेपाली क्रिकेट टोली असोज ६ गते यूएई प्रस्थान गर्ने कार्यक्रम रहेको व्यहोरासमेत जानकारी गराइन्छ ।”
