काठमाडौँ, ३ असोज । अभिनेत्री निरुता सिंह र अभिनेता उत्तम प्रधान आगामी फिल्म ‘महादशा’को शीर्ष कलाकारमा अनुबन्धित भएका छन् ।
यी दुई एक्टरसँग निर्माताले लिखित सम्झौता गरेको प्रेषित विवरणमा जनाइएको छ । यी दुई कलाकार कालजयी फिल्म ‘दक्षिणा’को जोडीको रुपमा अहिले पनि लोकप्रिय छन् ।
निर्माता समेत रहेका किरण नेपालीको डेब्यू निर्देशन रहने यो फिल्मले समाजका विविध पक्ष र जीवनका चुनौतीपूर्ण परिस्थितिलाई कथाको रुपमा प्रस्तुत गर्ने जनाइएको छ ।
लेकाली इन्टरटेन्मेन्टको ब्यानरमा निर्माण हुने फिल्मबाट चर्चित हिपहप कलाकार हाकिम गुरुङले पनि अभिनयमा डेब्यू गर्नेछन् । यीबाहेक प्रमोद अग्रहरि र प्रेमा लामगाढे पनि छन् ।
