काठमाडौँ, २३ भदौ । नेपाली राष्ट्रिय क्रिकेट टिमका पूर्वकप्तान तथा नेपाल क्रिकेट संघ (क्यान)का सचिव पारस खड्काले ‘जेनजी’ प्रदर्शनमा सरकारले गरेको दमनप्रति सामाजिक सञ्जालमा आक्रोश व्यक्त गरेका छन् ।
सचिव पारसलेआज प्रशासनको चरम दमनबाट प्रदर्शनकारीको मृत्यु भएपछि श्रद्धाञ्जली व्यक्त गर्दै सबै क्षेत्रमा निराशा रहेको बताए ।
पारसले सामाजिक सञ्जालमा लेखेका छन्, “हाम्रो देश, नामको देश । जता हेरे, त्यतै निराशा, कामभन्दा भाषण बढी, गलत र सही मूल्यांकन नभएको सामाजिक मानसिकता, हरेक क्षेत्रमा व्यक्तिगत स्वार्थभन्दामाथि उठ्न नसकेको मेरो देश । मृत्यु हुनेप्रति हार्दिक श्रद्धाञ्जली । सहिद भएका छन्, धेरैलाई बनाइएको छ, सायद मर्नु सहिद हुनु हो भने, हामी सबै धेरैअघि नै सहिद भइसकेका छौँ । निशब्द,” ।
