काठमाडौँ, ४ भदौ । भुटानमा आजदेखि हुन लागेको साफ यू–१७ महिला च्याम्पियनसिपमा भारतविरुद्ध खेल्ने नेपाली टोलीको सुरुवाती–११ सार्वजनिक भएको छ ।
आज नेपाली टोलीका मुख्यप्रशिक्षक चेतनारायण श्रेष्ठले भूमिका बुढाथोकीको कप्तानीमा पहिलो रोजाइ सार्वजनिक गरेका हुन् ।
सुरुवाती–११ मा झरना दुर्मेकोटी, मिनमाया श्रेष्ठ, ग्यान्सु डोल्मो लो, अलिजाकुमारी बिक, अन्सु बिक, शाहारा लिम्बु, डिकी स्याङ्बो तामाङ, बबिता कार्की, भूमिका बुढाथोकी, यामकुमारी बिक र अनिताराना मगर छन् ।
खेल भुटानको चिङलिमिथाङ रंगशालामा नेपाली समयानुसार २ः४५ बजेदेखि हुँदै छ । प्रतियोगितामा नेपाल, भारत, बंगलादेश र भुटान छन् । प्रतियोगिताका सबै खेल डबल राउन्ड प्रणालीमा सञ्चालन हुनेछन् ।
