काठमाडौँ, २३ साउन । चलचित्र ‘हरिबहादुरको जुत्ता’ को नयाँ पोस्टर सार्वजनिक भएको छ । सार्वजनिक पोस्टरमा हरिवंश आचार्य, प्रकाश सपुत र स्वस्तिमा खड्का फिचर रहेका छन् ।
पोस्टरले तीन कलाकारको चरित्र चित्रण गर्ने कोसिस गरेको छ । पोस्टरमा हरिवंश आचार्य आफ्नै चर्चित हरिबहादुर क्यारेक्टरमा देखिएका छन् ।
चलचित्रमा हरिवंश आचार्य, स्वस्तिमा खड्का, प्रकाश सपुत, प्रियङ्का कार्की, हरिहर शर्मा, दिव्य देव, किरण केसी, राजाराम पौडेल, दिनेश काफ्ले, कमलमणि नेपाल लगायतका कलाकारको अभिनय रहेको छ । दीपेन्द्र के खनालको निर्देशनमा तयार भएको चलचित्र दसैँको फूलपाती (असोज १३) गतेबाट प्रदर्शनमा आउंदैछ ।
