एजेन्सी, ८ साउन । संयुक्त राष्ट्रको विभिन्न निकायहरूले गाजामा भोक र कुपोषणको कारण भयावह स्थिति सिर्जना भएको बताएका छन् ।
विश्व स्वास्थ्य सङ्गठन (डब्ल्यूएचओ) का अनुसार गाजामा गर्भवती र स्तनपान गराइरहेका महिलाहरूमध्ये २० प्रतिशत महिलाहरू कुपोषणको सिकार भएका छन् ।
संयुक्त राष्ट्र जनसङ्ख्या कोष (यूएनएफपीए) ले गाजामा ‘भोकमरी, मानसिक पीडा र स्वास्थ्य सेवाको कमी’ को कारण गर्भवती महिलाका लागि सुरक्षित रूपमा बच्चा जन्माउने अवस्था निकै जटिल बनेको जनाएको छ ।
यूएनएफपीएले चेतावनी दिएको छ कि यस्तो अवस्था ‘पूरै पुस्ताको अस्तित्वका लागि खतरापूर्ण’ छ ।
