काठमाडौँ, ३१ असार । विजय बरालको शीर्ष भूमिका रहेको फिलम ‘जनै हराएको मान्छे : सम्बन्धका धागाहरू’को टिजर सार्वजनिक भएको छ ।
विवाहको दृश्यसँगै सुरु हुने टिजरमा मुख्य पात्रको दक्षिण कोरिया जाने सपनालाई चित्रण गरिएको छ । कोरिया जान बुवालाई मनाउँदाको नोकझोक र काठमाडौं पुगेपछि आफ्नै गाउँलेले गरेको ठगीको वरिपरि टिजर घुमेको छ ।
टिजरमा फिल्मका मुख्य अभिनेता विजयसँगै केकी अधिकारी, मिरुना मगर, सुशांक मैनाली, भोलाराज सापकोटालगायतलाई देखाइएको छ । यो फिल्मलाई हिमाल न्यौपानेले निर्देशन गरेका हुन् ।
यो फिल्म भदौ ६ गते प्रदर्शन तयारीमा छ । निर्मातामा कमल न्यौपाने र विमल न्यौपाने छन् । कार्यकारी निर्मातामा नारायण तिमल्सिना, चुडामणि सिवाकोटी, आरके मानन्धर, सीआर बस्नेत, फिलिप डीसी र जेम्स महाराजन छन् ।
