नयाँदिल्ली, ८ असार । भारतीय प्रधानमन्त्री नरेन्द्र मोदीले इरानका राष्ट्रपति मसुद पजेशकियानसँग कुराकानी गरेका छन् ।
यस कुराकानीबारे प्रधानमन्त्री मोदीले सामाजिक सञ्जाल एक्स (पूर्वट्विटर) मार्फत जानकारी दिएका हुन् ।
‘मैले इरानका राष्ट्रपतिसँग कुरा गरेँ। हामीले वर्तमान अवस्थामाथि विस्तारमा छलफल गर्यौँ ।बढ्दो तनावप्रति गहिरो चिन्ता व्यक्त गर्यौँ’, उनले भने, ‘मैले तनाव कम गर्न, संवाद र कूटनीतिलाई प्राथमिकता दिन अपिल गरेँ । यस क्षेत्रको शान्ति, सुरक्षा र स्थायित्व यथाशीघ्र पुनः स्थापना गर्नुको आवश्यकता औँल्याएँ ।’
इजरायलले इरानमा आक्रमण गरेको साता बितिसक्दा पनि अहिलेसम्म भारतले आफ्नो अडान सार्वजनिक गरेको छैन ।
