काठमाडौँ, ४ चैत । चीनमा सोमबार बिहान भूकम्पको धक्का महसुस गरिएको छ ।
यसबाहेक, इथियोपियामा पनि आइतबार अबेर राति भूकम्प गएको थियो । त्यसपछि लगातार कम्पनहरू गइरहेका छन्।
चीनमा गएको भूकम्पको तीव्रता रेक्टर स्केलमा ४.१ मापन गरिएको थियो । यस भूकम्पको केन्द्रबिन्दु चीनको छिंगहाई शहर नजिकै जमिनबाट १० किलोमिटर तल रहेको थियो ।
इथियोपियामा पहिलो भूकम्प राति १२:२३ बजे गएको थियो, जसको तीव्रता रेक्टर स्केलमा ५.५ मापन गरिएको थियो । यसपछि ४.३ र ५.१ तीव्रताको भूकम्प पनि आयो । मानिसहरूले निरन्तर भूकम्पको सामना गर्नु परिरहेको छ ।
