एजेन्सी, १ माघ । चीन र रुसले सन् २०२४ मा २ खर्ब ४४ अर्ब ८० करोड अमेरिकी डलर बराबरको व्यापार गरेको तथ्याङ्क सार्वजनिक भएको छ । यो दुई देशबीचको अहिलेसम्मकै उच्च मूल्यको व्यापार हो ।
चीनको भन्सार प्रशासन महाशाखाले प्रकाशित गरेको तथ्याङ्कअनुसार दुई देशले सन् २०२३ मा २ खर्ब ४० अर्ब १० करोड डलर बराबरको व्यापार गरेका चिनियाँ समाचारसंस्था सिन्ह्वाले जनाएको छ ।
पश्चिमा देशहरुले रुसमा प्रतिबन्ध लगाएपछि चीन र रुसबीच व्यापार बढेको छ । अघिल्लो वर्ष पनि दुई देशबीचको व्यापार बढेको थियो । सन् २०२२ को शुरुमा रुसले युक्रेनमा आक्रमण गरेपछि चीन र रुस राजनीतिक र आर्थिक सम्बन्ध बढेको छ ।
यो सम्बन्धलाई अमेरिका र अन्य पश्चिमी देशहरुबाट व्यापक आलोचना भएको छ । तर दुई देशले सम्बन्ध बलियो बनाउँदै लगेका छन् ।
