एजेन्सी, १ पौष । सिरियामा बशर अल–असदको सरकार सत्ताबाट हटेको छ ।
अहिले सिरियालाई विद्रोही समूहले सत्ता कब्जा गरेको छ । यस्तोमा विश्वभरका देशहरूले त्यहाँ बनेको नयाँ सरकारलाई स्वीकार गरेर उनीहरूसँग कूटनीतिक सम्बन्ध स्थापना गर्न थालेका छन् ।
कतारको दूतावासले १३ वर्षपछि मङ्गलबारदेखि दमास्कसमा पुनः काम सुरु गर्ने भएको छ । कतारले १३ वर्षअघि सरकार विरोधी विद्रोहको प्रारम्भिक चरणमा दमास्कसस्थित आफ्नो दूतावास बन्द गरेको थियो । यो विद्रोहपछि सिरियामा गृहयुद्ध सुरु भयो, जुन १३ वर्षसम्म चल्यो ।
संसारका अन्य देशहरूले पनि गृहयुद्धको समयमा बशर अल–असदको सरकारसँग सम्बन्ध जारी राखेका थिए । तर कतारले भने त्यस्तो गरेन । टर्कीले पनि १२ वर्षपछि दमास्कसमा आफ्नो दूतावास पुनः खोलेको छ ।
