गाजा, १७ मंसिर । संयुक्त राष्ट्र संघले गाजा र इजरायल बिचको मुख्य क्रसिङबाट सहायता पठाउन रोकेको छ ।
यूएनआरडब्ल्यूएका प्रमुख फिलिप लाजारिनीले गाजाका लागि हालसालै केरेम शालोम क्रसिङ नजिकै सशस्त्र गिरोहहरूले लुटपाट गरेको बताए ।
उनले इजरायललाई कानुनी व्यवस्था कायम गर्न अपिल गरेका छन्। यसबारे इजरायलले यसअघि पनि गाजामा सहायता पुर्याउन सहयोग गर्ने बताएको थियो र इजरायलले हमासले सहायता सामग्री लुटेको आरोप लगाएको थियो।
केरेम शालोम क्रसिङ गाजाका २० लाखभन्दा बढी मानिसहरूलाई सहायता पुग्ने मुख्य मार्ग हो। संयुक्त राष्ट्र संघले गाजा भोकमरीको कगारमा पुगेको चेतावनी दिएको छ ।
